Sahnalashtirish faoliyati prinsiplari.
Maktabgacha yoshdagi bolalar bilan sahnalashtirish mashg`ulotlarini to`g`ri
tashkil etishda tarbiyachi quyidagi prinsiplarga amal qilishi lozim:
- Mashg`ulotning mazmunliligi prinsipi. Bunga ko`ra sahnalashtirish
faoliyatini tashkil etishda mavzular va metodlarning turfa xilligiga e`tibor
qaratish lozim.
- Improvizatsionlik prinsipi. Bunda sahnalashtirish o`yinlari shunday bir
ijodiy faoliyat sifatida ko`riladiki, u kattalar va bolalarning o`zaro erkin muhitdagi
alohida hamkorligini talab etadi, bolaning tashabbuskorligini rag`batlantiradi,
biron-bir namunaga taqlid qilmaslikni talab etadi, o`zining mustaqil fikriga ega
bo`lishga undaydi. Mashg`ulotda barcha o`yin va mashqlar shunday tanlanishi
kerakki, ularda harakatlar, nutq, mimika va pantomimik harakatlar turli
ko`rinishlarda mujassam bo`lsin.
- Integrativlik prinsipi. Sahnalashtirilgan faoliyat o`yinlari butun bir
pedagogik jarayonda uygunlashtiriladi,
yani ijodiy faoliyat mashgulotlari (musiqa,
rasm chizish, nutq o`stirish, o`yinlar), kattalar va bolalarning hamkorligidagi ijodiy
o`yinlar;
- Erkinlik prinsipi. Bolalarga qiziqtirgan faoliyat bilan bir-biriga xalaqit
bermagan holda shug`ullanish imkonini beradi;
- Faollik prinsipi. Bolaning bilish faoliyatini, faolligini rag`batlaydi.
O`yinlarga tayyorgarlik k`orish va ularni o`tkazishning barcha bosqichlarida
bolalarning maksimal darajada faol b`olish imkonini beradi;
- Mustaqillik prinsipi. Bunda bola muhitga o`z munosabatini mustaqil
belgilaydi, idrok qilish, taqlid qilish va o`z istagini mustaqil tanlash imkonini
beradi.
7
