|
Presslangan achitqilarning sifatiga qo‘yiladigan talablar
| | bet | 11/53 | | Sana | 17.11.2023 | | Hajmi | 2,52 Mb. | | #100605 |
Bog'liq portal.guldu.uz-OZIQ-OVQAT SANOATI XOM ASHYOSI O`QUV USLUBIY MAJMUAPresslangan achitqilarning sifatiga qo‘yiladigan talablar. Maxsuslashtirilgan achitqi ishlab chiqarish korxonalarida tayyorlanayotgan achitqilardan tashqari, spirt ishlab chiqarishda melassa-spirt bijg‘itmasidan ishlatilgan achitqilarni ajratish yo‘li bilan olingan achitqilardan ham foydalaniladi. Spirt achitqilarining sifati novvoylik achitqilarining sifatidan ancha past. Ularning saqlashdagi chidamliligi past va maltoza bijg‘itish faolligi ham yomon.
Sifatli presslangan achitqilar qo‘yidagi organoleptik ko‘rsatkichlarga ega bo‘lishlari kerak: rangi sarg‘ish kulrang; konsistensiyasi zich, sindirilganda ushoqlanadigan bo‘lishi, surkalmasligi kerak.
Fizik-kimyoviy ko‘rsatkichlariga ko‘ra presslangan achitqilar quyidagi talablarga javob berishi kerak:
2-jadval
Achitqilarning namligi qanchalik past bo‘lsa, ularning sifati va saqlash vaqtidagi chidamliligi ham shunchalik yuqori bo‘ladi. Presslangan achitqilar xamirni yetiltirish uchun un massasining 0,5-5 % miqdorida ishlatiladi.
Presslangan achitqilar nisaqlash havoning 1 - 4 0C haroratda va 80 - 95 % nisbiy namligida sovutish xonalarida saqlanadi. Sovutish xonasi ortiqcha namlikni olib ketish uchun shamollatilib turishi kerak. Namlikning pasayishi natijasida achitqi g‘o‘lachalarining massasi kamayishi mumkin.
Achitqilar hujayralarning hayot faoliyatini susaytiruvchi past haroratlarda yaxshi saqlanadi. Muzlatilgan achitqilarni ishlatishdan 4 - 6 0C haroratda sekinlik bilan eritish kerak.
Achitqilar uzoq masofalarga 2 - 4 0C gacha sovutilgan holda izotermik vagonlarda, 0 - 4 0C haroratgacha sovutilgan holda refrijeratorlarda tashiladi.
|
| |
