|
Texnologiya darslarida o’quvchilarni kasb-hunarga yo’naltirish
|
| bet | 5/12 | | Sana | 03.12.2023 | | Hajmi | 332,5 Kb. | | #110357 |
1.3. Texnologiya darslarida o’quvchilarni kasb-hunarga yo’naltirish
Kasbga yo’naltirishga yoshlarning kasbni erkin va mustaqil egallashining ilmiy-amaliy tizimi sifatida qarash lozim. U har bir shaxsning ham individual xususiyatlarini, ham xalq xo’jaligi manfaatlari nuqtai nazaridan mehnat resurslarini to’laqonli ta’minlash, bozor iqtisodiyoti munosabatlari zaruratini hisobga olish kerak. O’quvchilar shaxsini shakllantirishning omili sifatidagi mehnat tarbiyasining samaradorligini oshirishga kasb tanlash ishlarining puxta o’ylab tashkil qilinishi katta rol oynaydi. Har bir o’quvchining oldida o’zi yoqtirgan kasbni tanlash uchun keng imkoniyatlar bor.
Har qaysi maktabdagi kasb tanlash ishlarining vazifasi va mazmuni uning atrofidagi ishlab chiqarishning xususiyatlari, tabiiy sharoitlari mazkur iqtisodiy tomondagi xalq xo’jaligi va madaniyatining rivojlanish yo’nalishlari bilan belgilanadi. Maktab o’z tarbiyalanuvchilarini kasblar, mehnatining mazmuni, u yoki bu kasb egalariga qilinadigan talablar haqidagi bilimlar bilan qurollantirish o’quvchilarning individual, jismoniy va psixologik xususiyatlarini o’rganish va ularga ana shu xususiyatlarga mos kasblarni tanlashlarida yordam berish kerak.
Mehnat va kasbiy tayyorgarlik tizimi bevosita yoshlarning mehnat va kasb tarbiyasini, ta’limini kasbiy axborotlar, kasb tanlash, kasbga yo’naltirish ishlarini amalga oshiradigan ulkan ishlardan biri bo’lib juda o’tmish taraqqiyotiga egadir. Xalqimizning millat, xalq, elat bo’lib shakllanishi mehnatsiz, kasblarsiz, hunarsiz tasavvur etib bo’lmaydi.
O’quvchilarni kasbga yo’naltirishning asosiy maqsadi har bir o’quvchiga individual ravishda kasb yoki mehnat faoliyati sohasini asosli va to’g`ri tanlashda yordamlashishdir. O’quvchilarni kasbga yo’naltirish umumta’lim maktabi ishining tarkibiy qismidir. Ma’lumki, agar kasb to’g`ri tanlangan bo’lsa, inson uchun mehnat quvonch, ijodiy ilhom manbayiga aylanadi, bu esa inson uchun ham, jamiyat uchun ham foydalidir. Kasb tanlashga yo’llash butun pedagoglar jamoasi tomonidan xal etiladigan umum maktab vazifasi hisoblanadi. Shu bilan birga, bu ishda mehnat ta’limi alohida o’rinni egallaydi. O’quvchilarni kasb tanlashda asosiy omillar ota-ona, muhit va ta’lim-tarbiyadir. Kasb tanlashning asosiy vazifasi o’quvchilarni fan asoslari, politexnik mehnat va malakalari bilan qurollantirishdan, ularni mehnat va ijtimoiy faoliyatga, kasblarni ongli ravishda tanlashga, moddiy va ma’naviy boyliklarni ishlab chiqarishda ishtirok etishga tayyorlashdan iboratdir.2
Maktabdagi kasb tanlashga yo’llash ishlari quyidagi maqsadlarni ko’zda tutadi: 1. O’quvchilarni kichik sinflardan boshlab xalq xo’jaligining turli tarmoqlari bilan tanishtirib borish. 2. O’quvchilarni xalq xo’jaligining turli tarmoqlari bilan tanishtirib, ommaviy kasblarning mazmuni, sinfdan tashqari o’tkaziladigan tadbirlarni amalga oshirish. 3. Kasb tanlashga yo’llash ishlarini olib borishda o’quvchilarni asosan maktab joylashgan hududining korxona, tashkilotning ehtiyoji uchun zarur bo’lgan kasb va mutaxassislarga yo’llash. 4. Har bir o’quvchining bo’lajak kasbni tanlashi obyektiv va ongli harakatlarga ega bo’lishi lozim.
O’quvchilarni kasb tanlashga yo’llash sohasida oldiga qo’yilgan maqsadlarni amalga oshirish uchun quyidagi eng muhim vazifalar hal etilish lozim: Ularning qiziqishlari, mayli va qobiliyati, psixofiziologik imkoniyatlari, jismoniy tayyorligi va salomatligi o’rganilishi; Ularning kasblar haqidagi bilimlarini kengaytirishga doir tadbirlar o’ylab ko’rilishi; Tanlangan mehnat sohasidagi amaliy faoliyatning tashkil etilishi bu o’quvchilarning kasbga qiziqishlarini rivojlantirish va mustaxkamlashga yordam beradi; Maktabni bitirib chiqayotgan yoshlarning kasbga qat’iy qiziqishlarini tarkib toptirish va mustahkamlashda yordam ko’rsatish, ishlab chiqish sharoitlariga ko’nikishiga doir tadbirlar belgilanishi kerak.
Kasb tanlash juda muhim masala bo’lib ko’pincha o’quvchilar uni mustaqil hal qila olmaydilar. Bu masalada ularga maktab yordam berishi kerak.
O’quvchilarning ish tajribasi o’quvchilarni kasb tanlashga yo’llashning farqi va metodlarini belgilab berdi. Ulardan asosiylari quyidagilardan iborat: 1. Darslarda kasb tanlashga yo’llash. Masalan o’qituvchi o’quvchilarni mashg’ulotlarda bajaradigan ish bilan bog`liq kasblar bilan tanishtiradi. O’quvchilar yog`ochga ishlov berishni o’rganayotganlarida, duradgor, yogoch kesuvchi, rom yasovchi, parnolovga kasblar haqida bilim oladilar. Metallga yoki gazlamalarga ishlov berishda slesor, tokor, parnolovchi, tikuvchilik, va xakazorlar bilan tanishtiradi. 2. Ekskursiyalarda kasb tanlashga yo’llash. Odatda ekskursiyalarda o’quvchilarni o’quv rejasi doirasidan chiquvchi material bilan tanishtirishga qulay shoroit yuzaga keladi. Bu imkoniyatdan o’quvchilarni kasb tanlashga yo’llash uchun foydalalanish mumkin. Ayniqsa ishchilar o’zlari yasaydigan narsalarni mahsulotlarni ko’rsatsalar juda yaxshi ahamiyatga ega bo’ladi. 3. To’garak mashg`ulotlarida kasb tanlashga yo’llash. To’garak mashg`ulotlarida o’quvchilarni turli kasblar bilan tanishtirishga ko’proq imkoniyatlar vujudga keladi. Yog`och bilan gazlama texnik ijodkor va xakozo to’garaklar. 4. Ishlab chiqarish ilg`orlar maktabini bitirgandan so’ng ishlab chiqarish sohasida ishlayotganlar bilan uchrashuvlar. Odatda mazkur maktabni bitirgandan keyin sanoat korxonalarida ishlayotgan kishilarning chiqishlari o’quvchilarda katta ta’surot qoldiradi. Mehnat ta’limi jarayonida o’quvchilar tanishadigan kasblar ancha ko’p. Ishlab chiqarish ilgorlari bilan uchrashuvlar ko’pincha tantanali vaziyatda o’tadi. 5. Har xil madaniy-ommaviy tadbirlar o’tkazish. Kasb tanlashga yollash ishining muvaffaqiyatli olib borilishiga yordam beruvchi har xil madaniy-ommaviy tadbirlar maktablarning ish tajribasidan ma’lum. Masalan «Kasb haqida kim ko’proq biladi» mavzusiga bag`ishlab konkurslar otkazish. «Kasblar dunyosi, kasb tanlashda shaxsiy va jamoat fikri » mavzusida munozaralar uyushtirish kinofilmlarni muhokomaq shular jumlasidandir. 6. Kasblarni chuqur o’rganish. O’qituvchi muayyan kasblar to’grisida tasavvur berish uchun bir yo’la barcha o’quvchilar bilan ish olib borishdan tashkari yo yoki bu kasb bilan yaxshilab tanishish istagi bo’lgan o’quvchilar bilan jiddiyroq ish olib boradi. O’quvchilar qiziqishlariga qarab gruppalarga yoki klublarga birlashtiradilar. Bunda ish turli-tuman tashkiliy formalari qo’llaniladi. O’quvchilar o’z kuchi bilan referatlar yozadilar. Ekskursiyalar o’tkazadilar. 7. Fakultativ mashgulotlar. Ayrim maktablarda fakultativ mashg`ulotlarga ajratilgan soatlarning ma’lum qismidan kasb tanlashga yo’llash ishi uchun foydalaniladi.
|
| |
