|
Umumiy pedagogika nazariyasi va amaliyoti fanidan ma’ruzalar matni
|
| bet | 25/190 | | Sana | 13.05.2024 | | Hajmi | 3,04 Mb. | | #228471 |
Bog'liq Umumiy pedagogikaO’quv predmetlari. Har bir o’quv predmetida o’ziga oid fanning umumiy asoslari beriladi. Fan va o’quv predmeti bir-biridan quyidagi belgilariga ko’ra farq qiladi:
Birinchidan, fan hajm va mazmun jihatidan keng bo’lib, unda shu fanga oid g’oyalar, qarashlar, bilimlar, tushunchalarning barchasi o’z aksini topadi. O’quv predmeti hajmi nisbatan tor bo’lib, unda bolalarning hayotiy tajribalari, real imkoniyatlariga mos keladigan bilimlarni o’rgatish ko’zda tutiladi.
Ikkinchidan, fan hamma uchun- yoshu-qari, o’zbeku-qozoqqa bir xil xizmat qiladi. O’quv predmetlari esa faqat yoshlarga mo’ljallab tuziladi.
Uchinchidan, fan va o’quv predmetining faqat o’zigagina xos vositalari mavjud.
To’rtinchidan, fan o’zini-o’zi rivojlantiradi. O’quv predmetlari esa yoshlarni ma’lumotli qiladi, rivojlantiradi, tarbiyalaydi.
Lekin farqlariga qaramasdan ular o’zaro uzviy bog’langan. Fan rivojlangan sari o’quv predmetlari sayqallashib, takomillashib boradi.
Mavzu yuzasidan savol va topshiriqlar:
1. Hozirgi kunda yangi pedagogik texnologiyalar qo’llanilishi munosabati bilan qanday yangi o’quv adabiyotlari paydo bo’ldi va qo’llanilmoqda? A. Abduqodirovning «Umumta’lim maktablari uchun elektron darslik yaratishning nazariy asoslari» («Pedagogik mahorat», 2003, № 2, 6-10- betlar) maqolasini Insert usulida o’qib, tahlil qiling.
2. Mutaxassisliginigizga oid darslikdan birorta o’quv materialini tanlab, quyidagi ishlarni bajaring:
-o’quv materialini o’quv elementlariga ajrating;
-o’quv elementlari bo’yicha beriladigan savollarni belgilang;
-o’quv materiali mazmunini hisobga olib kurgazma qurol yasang;
-mazmunga mos keladigan o’quv topshiriqlari tiplarini aniqlang.
3.Mutaxassislik faningiz buyicha DTS, o’quv dasturga asoslanib, chorak uchun kalendar-tematik ish reja tuzishni mashq qiling.
4.Mutaxassisligingizga oid fanning o’quv dasturini va o’shanga tegishli darslikni olib bir-biriga solishtirib ko’ring. Darslikning dasturga muvofiqligini tahlil qiling.
|
| |
