532
qatnovni hisoblash yo‘li bilan belgilanadi. Oxirgi yuk ortish va tushirishlarni bajarish
tovar-transport hujjatlaridagi yozuvlar bo‘yicha belgilanadi.
Yuk bilan yurilgan
masofa tthda ko‘rsatilgan barcha yuk bilan yurilgan masofalar yig‘indisiga teng
bo‘ladi. Yuksiz yurilgan masofa umumiy yurilgan masofa bilan yukli yurilgan
masofa o‘rtasidagi farqni tashkil etadi. Avtomobilning umumiy yurgan yo‘li
spidometrning garajdan chiqishidagi ko‘rsatkichi bilan garajga qaytib kelganidagi
ko‘rsatkichi o‘rtasidagi farqiga to‘g‘ri kelishi lozim. Avtomobilda tashilgan yukning
umumiy miqdori tovar-transport hujjati bo‘yicha belgilangan
manzilga tashilgan
yukning miqdorini hisoblash orqali belgilanadi. Tonna-kilometrlar har bir qatnovda
tashilgan yukning miqdorini (og‘irligini) yuk ortish va yuk tushirish joylari
o‘rtasidagi har bir qatnov masofasiga ko‘paytirish orqali belgilanadi.
Yuk avtomobili bir kunda (smenada) bajargan
tonnakilometrning umumiy
miqdori yuk bilan barcha qatnovdagi tonna kilometrlarning yig‘indisiga teng bo‘ladi.
Haydovchilarning ish haqi barcha yo‘l varaqalariga ilova qilingan tovar-transport
hujjatlaridagi «narxni belgilashda» aks ettirilgan ma’lumotlarga asoslanib
ko‘rsatiladi.
