47
– olingan o‘ramadagi ip uzunligi
aniq belgilangan miqdorda
bo‘lishi;
– jarayon unumdorligi yuqori, chiqindilar kam bo‘lishi kerak.
Tandalash jarayoni juda mas’uliyatli va muhim jarayon
hisoblanib, bu jarayonda yo‘l qo‘yilgan
nuqson va kamchiliklarni
keyingi jarayonlarda yo‘qotib bo‘lmaydi. Jarayon davomida
iplarning tarangligi, o‘rama zichligi va shakli har xil bo‘lmasligini
ta’minlash va uning oldini olish muhim hisoblanadi.
Tandalanayotgan ip turi va qabul qilingan
texnologiyaga qarab
tandalashning quyidagi usullari mavjud:
1. Guruhlab tandalash.
2. Piltalab tandalash.
3. Seksiyalab tandalash.
4. Libitlab tandalash (Xonatlas ishlab chiqarishda qo‘llaniladi).
Paxta, zig‘ir, jun (kamvol) va ba’zi ipak iplarini tandalashda
guruhlab tandalash usuli qo‘llaniladi.
Ko‘p rangli va ko‘p sonli tanda
iplari hamda ipak va jun
(apparat) iplarini tandalashda piltalab tandalash usuli qo‘llaniladi.
