QARSHI DAVLAT UNIVERSITETI

3 
QARSHI DAVLAT UNIVERSITETI
HUZURIDAGI ILMIY DARAJALAR BERUVCHI
PhD.03/27.02.2021.Tar.70.05 RAQAMLI ILMIY KENGASH 
QARSHI DAVLAT UNIVERSITETI 
XOLIQOV G‘OLIB JAHONGIROVICH 
O‘ZBEKISTONNING SOG‘LIQNI SAQLASH SOHASIDA
XALQARO TASHKILOTLAR VA XORIJIY MAMLAKATLAR
BILAN HAMKORLIGI (1991-2021 yy) 
07.00.01 – О‘zbekiston tarixi
Tarix fanlari bo‘yicha falsafa doktori (PhD) dissertatsiyasi 
AVTOREFERATI
 
Qarshi – 2023 
 
 

4 

5 
KIRISH (falsafa doktori (PhD) dissertatsiyasi annotatsiyasi)
Dissertatsiya mavzusining dolzarbligi va zarurati. Hozirgi globallashuv 
davrida jahon mamlakatlari o‘rtasida integratsiyalashuv hamda turli sohalarda 
hamkorlik aloqalari tobora rivojlanib bormoqda. Dunyo mamlakatlari 
xo‘jaligida yetakchi sohalar qatorida tibbiyot va aholi salomatligini muhofaza 
qilish, sifatli tibbiy xizmatni tashkil etish masalalari ham muhim ahamiyat 
kasb etadi. Jahon sog‘liqni saqlash tashkiloti (JSST) va boshqa xalqaro tashkilotlar 
yuqoridagi masalalar yechimiga qaratilgan qator tadbirlarni amalga oshirmoqda. 
Mazkur tashkilotlar aholi salomatligini muhofaza qilish, ularning turmush 
sharoitini yaxshilash va strategik dasturlar ishlab chiqish bo‘yicha muayyan chora-
tadbirlar amalga oshirib kelmoqda. 
Ayni paytda dunyoning AQSH, Buyuk Britaniya, Germaniya, Xitoy, Yaponiya, 
Koreya Respublikasi, Hindiston, Isroil kabi davlatlari ilmiy markaz va tadqiqot 
institutlarida tibbiyotning turli sohalari bo‘yicha tadqiqot ishlari amalga 
oshirilmoqda. Jumladan, davolashning zamonaviy usullarini ishlab chiqish, diagnostika 
texnologiyalarini takomillashtirish, tibbiy reabilitatsiya, ijtimoiy va yuqumli kasalliklar 
patologiyasi, ona va bola salomatligini muhofaza qilish, tibbiy ta’limni rivojlantirish, 
kadrlar tayyorlashning samarali mexanizimini shakllantirish, sanitariya xizmati, 
farmatsevtika sohasida ilmiy tadqiqotlar olib borilmoqda. 
O‘zbekistonda so‘nggi yillarda sifatli tibbiy xizmatni tashkil qilish aholi 
salomatligini muhofaza qilish tadbirlarini kuchaytirish va bu boradagi tarixiy 
tajribani ilmiy tadqiq qilib, yakuniy xulosalar chiqarish tarixchilar oldidagi dolzarb 
masalalardan biri hisoblanadi. Mustaqillikning ilk yillaridan boshlab mazkur soha 
davlat siyosatining muhim yo‘nalishlaridan biri etib belgilandiki, buning zamirida 
tibbiy madaniyatni yuksaltirish, aholining turmush farovonligini oshirish ulug‘vor 
maqsadlar qo‘yildi. O‘zbekiston Respublikasi Prezidenti Shavkat Mirziyoyev 
ta’kidlaganidek: “ ... xorijdagi ilg‘or yutuqlardan foydalanib, aholi salomatligini 
asrash va mustahkamlash borasidagi tub islohotlarimizni yangi bosqichga 
ko‘tarishimiz zarur”
1
. O‘zbekistonda mustaqillik yillarida tibbiyot sohasini tubdan 
yangilash, ushbu yo‘nalishda xalqaro hamkorlik aloqalarini yo‘lga qo‘yish 
borasida ko‘pgina samarali ishlar olib borildi. Bu borada respublikada ko‘pgina 
qonun va me’yoriy hujjatlar qabul qilinib, muayyan chora-tadbirlar amalga oshirildi. 
Mazkur soha tarixini ilmiy tadqiq etish natijasida qo‘lga kiritilgan natijalardan 
tizimdagi islohotlarda foydalanish muhim ahamiyatga egaligi tanlangan mavzuning 
dolzarbligini belgilaydi. Shuningdek, bu ijobiy yangilanishlar tizim tarixini yangi 
metodologik yondashuvlar va manbalarga asoslanib yoritishni talab qiladi. 
O‘zbekiston Respublikasi Prezidentining 2018-yil 7-dekabrdagi PF-5590-son 
“O‘zbekiston Respublikasida sog‘liqni saqlash tizimini tubdan takomillashtirish 
bo‘yicha kompleks chora-tadbirlar to‘g‘risida”gi, 2021-yil 5-maydagi PF-6221-son 
1
Mirziyoyev Sh.M. Yangi O‘zbekistonning taraqqiyot strategiyasi. – Toshkent: O‘zbekiston, 2022. – B. 199-200. 

6 
“Sog‘liqni saqlash tizimida olib borilayotgan islohotlarni izchil davom ettirish va 
tibbiyot xodimlarining salohiyatini oshirish uchun zarur shart-sharoitlarni yaratish 
to‘g‘risida”gi, 2022-yil 28-yanvardagi PF-60-son “2022-2026-yillarga mo‘ljallangan 
Yangi O‘zbekistonning taraqqiyot strategiyasi to‘g‘risida”gi farmonlari, 2021-yil 
28-iyuldagi PQ-5199-son “Sog‘liqni saqlash sohasida ixtisoslashtirilgan tibbiy 
yordam ko‘rsatish tizimini yanada takomillashtirish chora-tadbirlari to‘g‘risida”gi, 
2021-yil 11-noyabrdagi PQ-6-son “Aholiga tibbiy xizmatlar ko‘rsatish sifatini 
yaxshilash va sog‘liqni saqlash sohasida kadrlar salohiyatini yanada oshirishga oid 
qo‘shimcha chora-tadbirlar to‘g‘risida”gi qarorlari va soha faoliyatini takomillashtirishga 
oid huquqiy-me’yoriy hujjatlarda belgilangan vazifalarni amalga oshirishda 
mazkur dissertatsiya ishi muayyan darajada xizmat qiladi. 

Download 1,6 Mb.