Pedagogik mahorat ilmiy-nazariy va metodik jurnal maxsus son

Buxoro davlat universiteti pedagogika fanlari doktori, dotsent
Buxoro davlat universiteti
amaliy matematika va dasturlash texnologiyalari kafedrasi tayanch doktoranti

VIZUAL O‘QUV VOSITALARIDAN FOYDALANGAN HOLDA DASTURLASH ASOSLARINI O‘QITISH METODIKASI

Ushbu maqolada umumiy o‘rta ta’lim maktablarida dasturlash asoslari mavzularini o‘qitish, ularda vizual o‘quv vositalarini qo‘llash, zamonaviy va raqamli texnologiyalar yordamida dars va ta’lim sifatini oshirish bo‘yicha qilingan ishlar va mavjud muammolar haqida so‘z boradi. Ayniqsa, dasturlash asoslari bo‘limining obyektga yo‘naltirilgan dasturlash texnologiyalarini o‘quvchi tushuntirish usullari, bu bo‘yicha olib borilgan ishlar tizimli tahlil qilingan.
Kalit so‘zlar: dasturlash, raqamli texnologiya, obyektga yo‘naltirilgan dasturlash, dasturlash asoslarini o‘qitish metodikasi, o‘qitish kompetensiyasi, pedagogik eksperiment, faol o‘qitish usullari.
В статье рассматриваются основные проблемы обучения основам программирования в общеобразовательных школах, использование в них наглядных пособий, проделанная работа по повышению качества преподавания и обучения с использованием современных и цифровых технологий. В частности, систематически анализируется методика объяснения технологий объектно- ориентированного программирования читателю кафедры основ программирования, проделанная в этом направлении работа.
Ключевые слова: программирование, цифровые технологии, объектно-ориентированное программирование, методика обучения основам программирования, педагогические компетенции, педагогический эксперимент, активные методы обучения.
This article discusses the work done to teach the basics of programming in general secondary schools, the use of visual aids in them, the work done to improve the quality of teaching and learning using modern and digital technologies, and the existing problems. In particular, the Department of Fundamentals of Programming provides a systematic analysis of the methods used to explain object-oriented programming technologies to the reader.
Key words: programming, digital technology, object-oriented programming, methods of teaching the basics of programming, teaching competence, pedagogical experiment, active teaching methods


Kirish. Axborot asriga qadam qo‘ygan zamonaviy jamiyat o‘z faoliyatining barcha jabhalarida axborot texnologiyalaridan faol foydalanish bilan tavsiflanadi. Insonning axborot faoliyatini ta’minlovchi bu texnologiyalar turli xil kompyuterlar va dasturiy ta’minotlardan foydalanishga asoslangan. Shu bilan birga, dasturiy ta’minot ma’lumotlar bilan ishlash algoritmlari va mantiqlarini aniqlaydi, turli xil muammolarni hal qilish uchun standart hisoblash uskunalaridan foydalanishga imkon beradi va joriy etilgan axborot texnologiyalarining imkoniyatlari va sifatiga sezilarli darajada ta’sir qiladi. Shu munosabat bilan axborot texnologiyalari sohasi mutaxassislari uchun dasturiy ta’minot yaratishni o‘rgatish, xususan, maktab o‘quvchilarlari uchun dasturlashni o‘rgatish muammosi dolzarb hisoblanadi.