32
Ishchi yurish - texnologik oʻtishning tugallangan qismi boʻlib,
bunda
xomakiga nisbatan asbob-uskunaning bir marotaba siljishidan xomaki sirtining
shakli, oʻlchamlari va sifati yoki xomakining xossalarida oʻzgarish yuz beradi.
Ishchi yurishga misol: gorizontal randalash stanogidagi xomakini keskich
tomonidan bir marta qirqib oʻtishi yoki qizigan
xomaki ustiga temirchilik
bolgʻasining bir marta tushishi.
Texnologik hujjatlarda ishchi yurish - “oʻtish” deb nomlanadi.
Yordamchi yurish - texnologik oʻtishning tugallangan qismi boʻlib, bunda
xomakiga nisbatan asbob-uskunaning bir marta yurishi natijasida xomaki sirtining
shakli, oʻlchami
va sifati, xossasi oʻzgarmaydi, lekin yordamchi yurish ishchi
yurishni tayyorlash uchun zarur hisoblanadi.
Misol: gorizontal randalash stanogidagi xomakini
keyingi yurishda qirqib
oʻtish uchun keskichning orqaga qaytishi yoki qizigan xomaki ustiga urish uchun
temirchilik bolgʻasining bir marta yuqoriga koʻtarilishi.
Pozitsiya – texnologik operatsiyaning maʼlum bir qismini bajarish paytida
qoʻzgʻalmas mahkamlangan xomakini yoki yigʻiladigan yigʻuv birligini moslama
bilan birgalikda kesuvchi asbobga yoki jihozning qoʻzgʻalmas
qismiga nisbatan
qotirib qoʻyilgan vaziyatiga (holatiga) aytiladi.
Harakat (priyom) – ishchining texnologik oʻtishni yoki uning bir qismini
bajarishida qoʻllaydigan va yagona maqsadga
qaratilgan harakatlarining
tugallangan yigʻindisidir.
