|
Bosqichma-bosqich kontent marketingBog'liq Kontent marketingBosqichma-bosqich kontent marketing
Kontent marketing kontentni ishlab chiqish va taqsimlashni o‘z ichiga oladi. Kompaniya marketologlari kon-
tentni eng yaxshi kanallar orqali tarqatishlari kerak. Quydagi kichik bo‘limlarda biz marketing bo‘yicha uning 8 ta
asosiy bosqichlarini sanab o‘tamiz. Har bir bosqichda marketologlar keyingi bosqichga o‘tishdan oldin barcha
kerakli bo‘limlarni tekshirish va tahlil qilish kerak.
1-bosqich: Maqsadlarni belgilash
Kontent marketingni boshlashdan oldin, marketologlar o‘z maqsadlarini aniq belgilashi lozim. Agar aniq
maqsadlar qo‘yilmasa, marketologlar kontentni yaratishda va tarqatishda tushunmovchiliklarga uchrashi
mumkin.Kontent marketing maqsadlari 2 ta toifaga bo‘linadi. Birinchi toifa, sotish bilan bog‘liq maqsadlar; bularga
mahsulot yoki xizmatni sotishga yo‘naltirish kiradi. Ikkinchi toifa - brendni tanitish bilan bog‘liq maqsadlar; brend
xabardorligi yoki brendga sodiqlik, shu kabilar kiradi. Maqsadlarni aniqlash marketologlarga kontent marketing
strategiyasini yaxshiroq va samaraliroq ishlab chiqishga yordam beradi.
2-bosqich: Auditoriyani aniqlash
Maqsadlar aniq belgilangandan so‘ng, marketologlar o‘zlari e’tibor qaratmoqchi bo‘lgan auditoriyani
aniqlashi lozim. Muayyan auditoriya yoki iste’molchilar guruhini aniqlash marketologlarga aniqroq bo‘lgan kon-
tent yaratishda yordam beradi, bu esa o‘z navbatida brendning ijobiy nom qozonishiga xissa qo‘shadi. Auditori-
yani aniqlashda segmentlash ya’ni; ularni geografik, demografik, psixografik va xulq-atvor jihatlaridan iste’mol-
chilarni guruhlash auditoriya xaritasini shakllantirishga yordam beradi.
3-bosqich: Kontentni rejalashtirish
Maqsadli auditoriyani aniqlagandan so‘ng keyingi qadam, kontentni rejalashtirish. Tegishli mavzular, mos
formatlar va ijodkorlik bilan yondashilgan g‘oyalar yig‘indisi muvaffaqiyatli kontent marketing strategiyasini yara-
tishni ta’minlaydi. To‘g‘ri mavzuni topishda marketologlar 2 ta omilni xisobga olishlari kerak. Birinchisi, sifatli kon-
tent mijozlar hayotiga aloqador bo‘ladi. Bunda barcha ma’lumotlar auditoriya uchun nimanidir anglatishi kerak.
Ikkinchidan, qiziqarli kontent rejasida brendning belgilari va kodlarini aks ettiruvchi hikoyalar mavjud bo‘ladi.
|
| |
