|
9-sinf Informatika va axborot texnologiyalari
Pdf ko'rish
|
| bet | 148/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslik• Soʻrovnomalar. Bu usul yordamida qisqa vaqt ichida koʻp
sonli insonlarning fikrini bilish olish mumkin. Soʻrovnomalar
intervyu usuli bilan solishtirilsa, tahlilchining vaqtini sezilarli
darajada tejaydi. Bunda so‘rovnomada ishtirok etgan har
bir inson oʻz fikrining inobatga olinishini biladi. Shuningdek,
barchaga soʻrovnomani toʻldirishdan oldin oʻz javoblarini
koʻrib chiqish imkoniyati beriladi. Ushbu usulning kamchiligi
shundaki, baʼzilar uni jiddiy qabul qilmasligi mumkin
hamda intervyudan farqli ravishda, savollarni yarim yoʻlda
oʻzgartirishning imkoni mavjud emas.
• Hujjat toʻplash. Hujjatlar tashkilot haqida koʻplab
ma’lumotlarni taqdim etadi. Baʼzi jarayonlar va
protseduralar hujjatlarda qayd etiladi. Biroq kirish
va chiqish hujjatlari ham oʻrganilishi kerak. Tahlilchi
quyidagiga oʻxshash savollarga javob qidiradi: maʼlumotlar
qanday toʻplanadi? Qanday maʼlumotlar toʻplanadi?
Maʼlumotlar toʻplab boʻlingandan keyin nima qilinadi?
Ushbu usulning kamchiligi shundaki, tashkilotda
ishlamaydigan inson uchun hujjatlarni tushunish koʻpincha
qiyin boʻlishi, ma’lumotni aniqlashtirish uchun kim
bilandir intervyu qilish zarur boʻlishi mumkin. Shuningdek,
hujjatlar har doim ham tizim haqidagi barcha jarayon
va protseduralarni ochib bermaydi. Shu sababli ishlov
berilmagan maʼlumotlar toʻplanishi, oʻrganilishi va qayd
etilishi kerak. Baʼzan bu toʻplangan maʼlumotlarda
boʻshliqlar mavjud joylarni ochib beradi. Bu esa
chalkashlikni bartaraf etish uchun qoʻshimcha intervyu
qilish kerakligini anglatadi.
Bu kabi maʼlumot bilan ishlashning eng yaxshi usuli uni
maʼlumotlarning tizim orqali oʻtishi va turli foydalanilayotgan
fayllarni aks ettiruvchi diagrammada qayd etishdir. U
tizimdagi barcha kiritilgan va chiqarilgan maʼlumotlarni
hamda maʼlumotlar qanday qayta ishlanishini aniqlashi kerak.
Shuningdek, unda fayllarni saqlash tafsilotlari va fayllarning
aloqadorligi ham koʻrsatiladi. Tizimdagi qurilmalarni koʻrsatish
uchun boshqa diagrammalardan foydalanish mumkin. Mavjud
tizimning barcha xususiyatlari aniqlanishi kerak.
Bu bosqichda joriy tizim haqidagi maʼlumotlarni yozib
olayotgan va tahlil qilayotgan vaqtingizda, kiritilayotgan
va chiqarilayotgan maʼlumotlarni aniqlay olish, joriy
tizimni koʻrib chiqish va uning muammolarini aniqlay olish
muhimdir. Taʼkidlash joiz, eski tizimning baʼzi qismlari juda
yaxshi ishlayotgan boʻlishi hamda ularni oʻzgartirish uchun
sarflanadigan vaqt va harakat oʻzini oqlamasligi mumkin. Bu
dastlabki maʼlumot yangi tizim loyihasi haqida qarorlar qabul
qilish va eski tizimdagi barcha muammolarning loyihalash
bosqichida hal etilishini kafolatlash uchun kerak.
Mavjud muammolarni hal qilishdan tashqari, har bir
foydalanuvchining yangi tizimga boʻlgan talablarini aniqlash
ham muhimdir. Bu talablar yangi tizimga kiritilishi mumkin.
|
| |
