Internet tarmog’i vazifasi va undan foydalanish maqsadlari

Fizika o`qitishda internet resurslarini qo`llash.

Jamiyat hayotining barcha sohalariga axborot-komunikatsiya texnologiyalari (AKT) ning jadal sur`atlarda kirib kelishi ta`lim berish uslubiyoti va dars jarayonini zamonayiv ta`lim talablariga moslashtirishni va bo`lajak mutaxassis yoshlarimizga o`z kasbiy-amaliy faoliyatlaridainternet axborot resurslari, ma`lumotlar bazalari va zaruriy dasturiy majmualardan o`rinli foydalanishni taqozo etmoqda.

Ta`kidlash lozimki, respublikamizda AKT jadal rivojlantirish va davlat boshqaruvi, iqtisodiyoti va ta`lim tizimlarida samarali qo`llashga yo`naltirilgan me`yoriy xujjatlar muvaffaqiyatli ijro etilmoqda.

“Kompyuterlashtirishni yanada rivojlantirish va axborot-kommunikatsiya texnologiyalarini joriy etish to`g`risidagi” (PF-3080, 2002 yil 30 may);

“Axborot-kutubxona faoliyati to`g`risidagi” (O`RQ-280, 2011 yil 28 may);

“Malakali pedagog kadrlar tayyorlash hamda o`rta maxsus, kasb-hunar ta`limi muassalarini kadrlar bilan ta`minlash…” (PQ-1761, 2012 yil 28 may)

“Oliy ta`lim muassalari pedagog kadrlarini qayta tayyorlash va ulatrning malakasini oshirish…” (O`zb.Res.VM 2012 yil 26 sentabrdagi №278 qarori)

“Axborot-kommunikatsiya texnologiyalarini rivojlantirish jamg`armasini yanada rivojlantirish…” (O`zb.Res.VM 2012 yil 19 dekabri №356 qarori)

“Axborot-kommunikatsiya texnologiyalarini joriy etish va rivojlantirish bo`yicha davlat buyurtmalarini shakllantirish va mablag` bilan ta`minlash tartibi to`g`risidagi” (O`zb.Res.VM 2013 yil 25 yanvardagi №16 qarori)

“‹‹Elektro hukumat›› davlat boshqaruv tizimini dasturini ishlab chiqish va 2013-2017 yillar amalga oshirish” (O`zb.Res.VM 2012 yil 8 dekabr №817-farmoni)

Respublikamizda internetdan 9,815 mln kishi asosan yoshlar-talabalar foydalanalayotganligi (2013 yil 1 yanvar holati), o`z navbatida pedagoglardan internet texnologiyalarining didaktik imkoniyatlarini chuqur tahlil etish va o`z fanini o`qitishda mavjud dasturiy-pedagogik vositalardan samrali foydalanish zarurligini taqozo etmoqda.

Bugungi kunda, bitiruvchilardan yuqori darajada kompyuter savodxonligi, ingiliz tilida muloqot qilish, axborot-kommunikatsiya texnologiyalari yo`nalishidagi asosiy terminlar mazmun mohiyatini tushunish, zaruriy dasturiy mahsulotlaridan va serviz dastur imkoniyatlaridan mustaqil ta`lim olishda samarali foydalanishlari talab etilmoqda.

Shu sababli Internet ta`lim portallarida keltirilgan o`quv-uslubiy materiallar, virtual laboratoriya ishlari, taqdimotlar va bilimni nazorat qilish tizimlarini ijodiy-tanqidiy o`zlashtirish va fizikaviy jarayolar mazmun-mohiyatini o`quvchi-talabalar reproduktivdarajada o`zlashtirishga erishish zamonaviyfizik talimning asosiy talabiga va o`qituvchining kasbiy ma`lakaviy mahorat ko`rsatkichiga aylandi.

Takidlash lozimki, ta`lim usullarini qo`llashga intiluvchi fizika o`qituvchilarini “O`zbekiston fiziklari” portaliga qiziqarli ma`lumotlar, uslubiy ishlanmalar va o`z shaxsiy saytlarinijoylashtirish, fizikaviy ta`lim jarayonini zamonaviy talablar asosida takomillashtirish bo`yicha hamkasblari bilan forumda muloqotda bo`lishlariga da`vat etamiz.

O`qituvchi Internet ta`lim jarayonida o`quvchilarning zaruriy o`quv ma`lumotlari va axborotlarni mustaqil topish, tartiblashtirish, forumlarda faol ishtirok etish ko`nikmalarini shakllantirishi, fizika fanining murakkab mavzularini o`quvchi-talabalarning tushinish darajasiga muvofiqlashtirib, maqsadli yoritish, ya`ni kasbiy qiziqishlarini rivojlantirishi zarur.

Mualliflar o`z pedagogic faoliyatida foydalanib kelayotgan bir qator fizika yo`nalishidagi internet axborot resurslari va onlayin servis dasturlari quyidagi ilovada keltirilgan.

ILOVA-fizika fanlari yo`nalishidagi Internet resusrslari