Operatsion tizimlar Kredit miqdori – 6

Fanning asosiy maqsadi va vazifasi

• Fanni o’qitishdan maqsad – talabalarni tizimli dasturiy ta’minot, operatsion tizim va uning iloqalari, operatsion tizimlar arxitekturasi va foydalanuvchi bilan tizim interfeysini ta’minlovchi vosita sifatida nazariy va amaliy bilimlarni shakllantirishdan iborat.
• Fanning asosiy vazifasi – talabalarni hisoblash tizimi dasturiy ta’minoti tuzilishi, uning ishlash printsiplari, operatsion tizim yordamida komp’yuter resurslarini boshqarish, jarayonlarni boshqarish, xotirani taqsimlash, operatsion tizim ishini optimallashtirish va unda ishlash ko’nikmalarini hosil qilish va tizim xavfsizligini ta’minlashdan iborat.

Fanga qo’yilgan dastlabki talablar

• Ushbu fanni talabalar o’zlashtirishlari uchun oliy ta’limgacha bo’lgan informatika fanidan asosiy bilimlarga ega bo’lishlari hamda “Dasturlash”, “Ma’lumotlar tuzilmasi va algoritmlar” kabi fanlarda qo’yiladigan amaliy masalalarni yechish ko’nikmalariga ega bo’lishi kerak.

Fan o’qitilishining natijalari (shakllanadigan kompetentsiyalar)

Fanni o’zlashtirish natijasida talaba:

• - operatsion tizimlar va ularning funktsiyalari;
• - operatsion tizim sinflari va arxitekturasi haqida tasavvurga ega bo’lishadi;
• - tarmoq operatsion tizim xizmatlari va resurslariga murojaatlarni;
• - turli operatsion tizim muhiti va ilovalarida ishlash;
• - turli operatsion tizim muhitlarini boshqarish;
• - operatsion tizimlarda axborot xavfsizligini ta’minlash ko’nikmalariga ega bo’lishadi.