8.3-rasm. Tovarni pozitsiyalashtirishning asosiy belgilari
Tovarni bozorda pozitsiyalashtirishni to‘g‘ri tashkil etilishi marketing rejasi va kompleksini samarali ishlab chiqarish shart-sharoiti bo‘lib hisoblanadi.
Pozitsiyalashtirish differensiatsiya strategiyasini amalga oshirish vositasi bo‘lib hisoblanadi. D.Traut va E.Raislar tomonidan 1979 yilda pozitsiyalashtirish konsepsiyasi taklif etilgan. Aniq pozitsiyalashtirish uchun firma pozitsiyalashtirish belgisini o‘rnatish kerak.
Pozitsiyalashtirish belgisi – xarid motivatsiyasi manbasi yoki asosiy tovarning iste’molchi nuqtai nazaridan foydaliligidir.
Raqobatchiga nisbatan tovar pozitsiyalashtirish belgisi ikkita usuldan biri bo‘lishi mumkin:
raqobatchiga o‘xshash – bu holatda firma bozordagi raqobatchini siqib chiqarish vazifasini hal qiladi.
Noyob.
Birinchi strategiyada quyidagi uch xil sharoitdan bittasini qo‘llab – quvvatlash maqsadga muvofiq:
Firma raqobatchi tovaridan ustun tovarlarni yaratish mumkin;
Bozor bir necha raqobatchilarni yig‘dirish holatidadir;
Firma pozitsiyalashtirayotgan tovar bo‘yicha resurs va imijga ega bo‘ladi. Ikkinchi strategiya esa:
-firma noyob tovarlarni ishlab chiqarish uchun moliyaviy va texnik imkoniyatga ega bo‘ladi;
-noyob tovarning potensial iste’molchilarining etarli soni mavjud bo‘ladi.
Nazorat va mulohaza uchun savollar
Bozor segmentasiyasi deganda nimani tushunasiz?
Bozor segmentasiyasining qanday turlarini bilasiz?
Bozor segmentasiyasining asosiy tamoyillarini aytib bering.
Maqsadli segmentni tanlash deganda nimani tushunasiz?
Differensiallangan marketing strategiyasi deganda nimani tushunasiz?
Konsentrlangan marketing strategiyasining mazmuni nimadan iborat?
Makrosegmentlash deganda nimani tushunasiz?
Mikrosegmentlash deganda nimani tushunasiz?
Avvaldan segmentlash deganda nimani tushunasiz?
Tovarni pozitsiyalashtirish deganda nimani tushunasiz?
| 