20-bob: Maʼlumotlar tahlili

278
21-bob: 
Veb-sayt yaratish
Taʼlim maqsadlari
Bu bob yakunida quyidagi bilimlarga ega boʻlasiz:
■
veb-dasturlashning uch qatlamini farqlash va tasvirlash;
■
kontent kiritish va veb-sahifaning tuzilishini yaratish uchun kontent qatlamining vazifasini tushunish;
■
veb-sahifadagi elementlarni koʻrsatish va formatlash uchun taqdimot qatlamining vazifasini tushunish;
■
veb-sahifadagi elementlarga skript tilini qoʻshish uchun funksional qatlamning vazifasini tushunish;
■
auditoriya talabiga mos dasturiy vositalardan foydalanib veb-sahifaning kontent qatlamini yaratish;
■
dasturiy vositalardan foydalanib kontentni veb-sahifaga tegishli tarzda joylashtirish;
■
dasturiy vositalardan foydalanib veb-sahifa ichida va veb-sahifalar orasida navigatsiya yaratish;
■
dasturiy vositalardan foydalanib veb-sahifaning taqdimot qatlamini yaratish;
■
veb-saytni ommaga chiqarish (internet tarmog‘iga qoʻyish);
■
veb-saytni sinovdan oʻtkazish.

21-bob haqida umumiy maʼlumot
Veb-saytlarni bir nechta usuldan foydalanib yaratish mumkin. 
Veb-saytingizni yaratish uchun qanday usulni tanlashingiz 
kompyuter texnologiyalari sohasidagi oʻz bilimlaringiz, 
yaratayotgan veb-saytingizning statik yoki dinamik boʻlishi 
va uning koʻlamiga bogʻliq. Agar veb-saytingiz interaktiv yoki 
multimedia veb-obyektlarini oʻz ichiga olmaydigan statik veb-
sayt boʻlsa, ayniqsa, HTML tilidan foydalanish boʻyicha yetarli 
bilimga ega boʻlsangiz, uni HTML tilidan foydalanib, barcha 
kompyuterlarda mavjud boʻlgan matn muharriri yordamida 
yaratishga urinib koʻrishingiz mumkin. Shuningdek, siz onlayn 
kontent boshqaruvi tizimi (CMS) yoki aksar veb-sayt yaratish 
dasturlari paketidan foydalanishingiz ham mumkin. Buni 
kompyuteringizga yuklab olish va oʻrnatish zarur. Lekin onlayn 
kontent boshqaruvi tizimi (CMS) asosidagi veb-sayt bulutli 
xizmat asosida ishlashi sababli undan foydalanish uchun 
komyuteringizga hech narsani oʻrnatish shart emas.
Veb-saytlarni yaratish dasturi sizga desktop formatida veb-sayt 
yaratish imkonini beradi. Bunday dastur siz yaratgan dizayn 
asosida veb-sahifalar maketi uchun kerakli HTML kodlarni 
avtomatik ravishda yaratadi. Odatda siz tegishli HTML koddan 
foydalanib veb-sahifa dizaynini oʻzgartirish uchun grafik dizayn 
va HTML kod orasida almashishingiz mumkin. Bundan tashqari, 
veb-sahifalar animatsiyali elementlar, drag and drop funksiyalari 
va bosiladigan obyektlar kabi turli interfaol elementlarga ega 
boʻladi. Bunday elementlarni yaratish uchun JavaScript kabi 
kompyuter dasturlash tillarida skriptlar yozish kerak.

Download 132,8 Mb.