|
Bosilgan tugmalarni qayd etish
Pdf ko'rish
|
| bet | 141/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikBosilgan tugmalarni qayd etish
Bosilgan tugmalarni qayd etish – bu kompyuter klaviaturasida
barcha bosilgan tugmalarni yozib olish usulidir. Buni bajarish
uchun yo qurilmalar, yoki dasturlardan foydalaniladi. Baʼzi
ish beruvchilar bunday tizimdan ochiqchasiga xodimlarining
kompyuterdan foydalanish jarayonini kuzatish uchun
foydalanadi; bu holatda bosilgan tugmalarni qayd etish –
kuzatuv vositasidir. Biroq undan yashirincha foydalanilsa,
uni josuslik dasturi deb tasniflash mumkin; agar bosilgan
tugmalarni qayd etish dasturi tizimda oʻzini yashirsa, bu ularni
toʻliq Troyan dasturlariga aylantiradi (qarang: 8-bob).
Bunday dasturlardan kiberjinoyatchilar foydalanishi
mumkinligi sababli ularni aniqlash antivirus dasturlari
kompaniyalari uchun ustuvor masalaga aylangan.
Xodimlarning qoʻngʻiroqlarini nazorat qilish
Xodimlarning ish telefonlaridan shaxsiy qoʻngʻiroqlar uchun
foydalanishidan xavotir oladigan baʼzi ish beruvchilar
xodimlarning qoʻngʻiroqlarini nazorat qiladi. Boshqa tomondan,
baʼzi ish beruvchilar oʻzlarining mijozlarga xizmat koʻrsatish
boʻlimini baholay olishlari uchun telefon qoʻngʻiroqlarini nazorat
qilishlari mumkin. Soʻng ish beruvchilar mijozlar va mijozlarga
xizmat koʻrsatish boʻlimi oʻrtasidagi yozib olingan suhbatlardan
kelgusidagi malaka oshirish mashgʻulotlari uchun foydalanishi
mumkin. Shu sababli xodimlarning qoʻngʻiroqlarini nazorat qilish
ish beruvchilar va xodimlar uchun, ayniqsa xavfsizlik maqsadida,
masalan, har qanday ogʻzaki tahqirlash sodir boʻlgan taqdirda,
afzalliklarga ega boʻlishi mumkin.
Elektron chiplash qurilmalari
Elektron chiplash qurilmalari keksalar sogʻligʻini nazorat qilish
yoki huquqbuzarlarni kuzatish kabi koʻplab holatlarda ishlatiladi.
Baʼzi qurilmalar ertaroq chora koʻrishga koʻmaklashish uchun
bemorning xastaligini kuzatish imkonini beradi, bu salbiy
oqibatlarning oldini olishga yordam berishi mumkin. Boshqa
chiplash qurilmalari keksa bemorning yiqilganini aniqlay oladi
yoki dorilarni qabul qilish vaqti boʻlganini eslatadi yoxud ular
demensiyaning biror turi bilan ogʻrisa va bu ularning yoʻqolib
qolishiga sabab boʻlsa, ularni topishi mumkin. Monitorlar ularni
taquvchilarga oʻz sogʻligʻi va jismoniy holatini kuzatishga yordam
beradi va shu asnoda ozish yoki yaxshiroq uxlashga koʻmaklashadi.
Kuzatish qurilmasi bemorning boʻyniga yoki shaxsning istalgan
boshqa yeriga taqilishi, masalan, kamarga oʻtkazib qoʻyilishi
yoki kalit halqasida olib yurilishi mumkin. Bu turdagi qurilmada
tugmacha boʻlib, foydalanuvchiga 24 soatlik aloqa markazidagi
operator bilan bevosita gaplashish imkonini beradi. Bu bemor
uyda yiqilib tushganida foydali boʻlishi mumkin.
Huquqbuzarlarga chiplash qurilmasini taqish qamoqxonadagi
mahbuslar sonini nazorat qilishga yordam berishi uchun
amalga oshiriladi, chunki agar uni taqqan kishi belgilangan
chegaralardan tashqariga chiqsa, qurilma nazorat markaziga
signal yuboradi.
|
| |
