|
Mavzu: 1000 V dan yuqori sex elektr tarmoqlari
|
| Sana | 13.03.2024 | | Hajmi | 15.97 Kb. | | #170870 |
Bog'liq energiya tejamkorligi 23 DASTURLASH 3 Normuminov Abbos, dasturlash 4 Normuminov Abbos, Mustaqil ish
Mavzu: 1000 V dan yuqori sex elektr tarmoqlari
Reja
1)1000 V kuchlanishli elektr uskunalari
2)mexnat muhofazasi va texnika xavfsizligi
1000 V kuchlanishdan yuqori bo‘lgan elektr uskunalarda yakka o‘zi xizmat qiluvchi navbatchi yoki tezkor-ta’mirlash xodimi, shuningdek navbatchilik qilayotgan katta navbatchi elektr xavfsizligi bo‘yicha IV gruppaga, qolgan xodimlar esa III gruppaga ega bo‘lishi shart.
1000 V kuchlanishgacha bo‘lgan elektr uskunalarda yakka o‘zi xizmat qiluvchi navbatchi yoki tezkorta’mirlash xodimi III gruppaga ega bo‘lishi kerak.
Kuchlanish ostida bo‘lgan elektr uskunani to‘siqsiz tok o‘tkazuvchi qismiga qayd etilganidan kam masofaga yuk ko‘taruvchi va boshqa mashina-mexanizmlarning hamda shaxslarning yaqinlashishi man etiladi.
Elektrostansiya va podstansiya elektr uskunalarini yakka o‘zi ko‘rib chiqishni elektr xavfsizligi bo‘yicha III gruppaga ega bo‘lgan navbatchi yoki tezkor-ta’mirlash xodimi, yoki V gruppaga ega bo‘lgan ma’muriy-texnik xodim yoki korxona rahbariyati bajarishi mumkin.
Elektrotexnikaga aloqasi bo‘lmagan xodimlar elektrostansiya va podstansiya elektr uskunalarini ko‘rib chiqishni va ekskursiyani korxona ma’muriyati ruxsati bo‘lgan, yakka o‘zi ko‘rib chiqish huquqiga ega bo‘lgan IV gruppali xodim nazorati ostida o‘tkazishi mumkin.
1000 V kuchlanishdan yuqori bo‘lgan elektr uskunalarni ko‘rib chiqish paytida tok o‘tkazuvchi qismlari 1-jadvalda ko‘rsatilgandan kam masofaga yaqinlashishga qarshi qo‘yiladigan to‘siqlar bilan jihozlanmagan xona va xonalarga kirish man etiladi.
1000 V kuchlanishgacha bo‘lgan elektr uskunni ko‘rib chiqishda shchit, elektr uskuna, o‘lchov asbobi joylashgan shkaf, boshqaruv pulti va boshqa uskunalar eshigini ochishga ruxsat etiladi.
Elektr uskunani ko‘rib chiqish jarayonida biror-bir ishni bajarish man qilinadi.
6-35 kV kuchlanishli elektr uskunada erga tutashish sodir bo‘lsa, xodimlarni yopiq taqsimlovchi elektr uskunada 4-metrdan ochiq taqsimlovchi elektr uskuna va uzatish tarmog‘ida 8-metrdan kam masofaga yaqinlashishga faqat tarmoqni tezda o‘chirish, iste’molchini boshqa tarmoqdan ulash, hamda kuchlanish ta’siriga tushib qolgan shaxsni qutqarish uchun ruxsat etiladi. Bunday hollarda, elektr uskunada ishlatiladigan himoya vositalaridan foydalanish kerak.
Kuchlanishi 1000 V dan yuqori qo‘l privodan ajratgich (raz’edini-tel), uzgich (otdelitel) va o‘chirgich (vыklyuchatel) uskunalarini o‘chirish va yoqishda dielektrikdan qo‘lqopdan foydalanish kerak.
Saqlagich qo‘yish va olishda ushbu tarmoqdan kuchlanishni olish shart.
Kuchlanishni olib tashlovchi kommutatsion apparatlar o‘rnatilmagan elektr qo‘shilmada, saqlagichni kuchlanish ostida olish va qo‘yish, shu tarmoqqa ulangan iste’molchi o‘chirilgan taqdirda ruxsat etiladi.
Ikkilamchi zanjir va yoritish tarmoqlarida, kuchlanish transformatorida saqlagichni quvvatni olmasdan va kuchlanish ostida almashtirishga ruxsat etiladi.
Kuchlanish ostida saqlagichni almashtirish kerak bo‘lib qolsa, quyidagi himoya vositasidan foydalanish zarur:
- 1000 V kuchlanishdan yuqori bo‘lgan elektr uskunada dielektrik qo‘lqop va himoya ko‘zoynagini qo‘llagan holda ombir (shtanga) dan;
- 1000 V kuchlanishgacha bo‘lgan elektr uskunada izolyasiyalangan ombir yoki dielektrik qo‘lqop va himoya ko‘zoynagidan foydalaniladi;
Kommutatsion apparatlar bilan jihozlanmagan 1000 V kuchlanishgacha bo‘lgan shchit va yig‘ilmalarda o‘rnatilgan saqlagichlar (predoxranitellar) ustma-ust, fazalar vertikal joylashgan bo‘lsa, saqlagichni olish va qo‘yish iste’molchidan quvvatni olmasdan turib, kuchlanish ostida almashtirishga ruxsat etiladi. Bunday paytda ko‘zni himoya qilish vositasi o‘rniga yuzni (betni) himoya qilish vositasidan foydalanish tavsiya qilinadi.
Ish olib borilayotgan elektr uskuna xonasidan tashqari, xonada qolgan barcha xona, xona, shchit va yig‘ilmalarning eshiklari qulflangan bo‘lishi kerak.
1000 V kuchlanishdan yuqori bo‘lgan elektr uskuna (yopiq komplekt, ochiq taqsimlovchi elektr uskunaning xona va xonalari), hamda 1000 V kuchlanishdan yuqori bo‘lgan elektr uskuna tashqarisida joylashgan 1000 V
Kuchlanishgacha bo‘lgan shchit va elektr uskuna shchit va yig‘ilmalarning kalitlari navbatchi hisobida bo‘lishi shart. Navbatchi bo‘lmagan elektr uskunalarida kalitlar ma’muriy-texnik xizmatchi hisobida bo‘lishi mumkin.
Har bir kalit nomerlangan bo‘lishi darkor. Kalitlarning bir komplekti zaxirada saqlanishi shart. Kalitlar tilxat bilan quyidagi xodimlarga berilishi kerak:
- yakka o‘zi ko‘rib chiqish huquqiga ega bo‘lgan xodimlarga-barcha xonalarning kalitlari;
- tezkor-ta’mirlovchi xodimlar ichidan ajratilgan ishlashga ijozat beruvchi shaxsga, ish rahbari va ishboshiga, nazorat qiluvchiga-faqat ish olib borilishi uchun ajratilgan xona kaliti beriladi;
Har kuni ish tugagandan so‘ng va elektr uskuna ko‘rib chiqilgandan keyin kalitlar albatta qaytarib topshirilishi kerak. Navbatchi bo‘lmagan elektr uskunada ish olib borilganda ushbu elektr uskuna joylashgan xona kaliti, ko‘rib chiqilgandan yoki ish to‘liq tugallanganidan so‘ng, uzog‘i bilan keyingi ish kunidan kechiktirmasdan topshirilishi zarur.
Elektr uskuna joylashgan xona kalitini uzoq muddatga berish elektr tarmog‘i korxonasining taqsimlovchi elektr uskunalarida tezkor o‘chirish-yoqish huquqiga ega bo‘lgan iste’molchi xodimiga hamda yakka o‘zi ko‘rib chiqish huquqiga ega bo‘lgan navbatchiga, tezkor-ta’mirlash va ma’muriy-texnik xodimlarga berish zaruratini korxona bosh muhandisi belgilaydi.
Kalitni olish va qaytarish jarayoni istalgan shakldagi ish jurnali yoki tezkor-dispetcherlik jurnallarida qayd qilinishi kerak.
Elektr tokiga tushib, jarohatlanganni qutqarish uchun elektr uskunadan kuchlanishni olish ruxsatsiz bajarilishi mumkin.
O‘zboshimchalik bilan ishlash hamda naryad yoki farmoyishda ko‘rsatilgandan ortiq ish bajarish, ish joyini va ish hajmini kengaytirish man qilinadi.
Naryad bilan ish qilinayotgan elektr uskunada har qanday boshqa ishni olib borish, naryad bilan ish olib borayotgan shaxs yoki ushbu naryadni bergan shaxs bilan kelishilgan holda bajarilishi lozim.
Kelishuv, ish joyini tayyorlashdan oldin, naryadda «Kelishildi» degan so‘z yozilib, kelishilgan shaxs imzosi bilan rasmiylashtiriladi.
1000 V kuchlanishdan yuqori bo‘lgan elektr uskunasini hamda kuchlanishidan qat’iy nazar havo elektr uzatish tarmog‘ini to‘liq ta’mirlash texnologik karta yoki ish bajarish loyihasi bilan bajarilishi shart.
Elektrostansiya va podstansiyalarning 1000 V kuchlanishgacha bo‘lgan elektr uskunalari va kabel elektr uzatish tarmog‘ida kuchlanish ostida ish bajarilayotganda quyidagilarni bajarish kerak:
- ish joyiga yaqin joylashgan kuchlanish ostidagi bexosdan tegib ketish ehtimoli bo‘lgan elektr uskunani to‘sish;
- dielektrik kalishda, bo‘lmasa izolyasiyalangan taxtachada yoki dielektrik gilamchada turib ishlash;
- izolyasiyalangan dastakli asboblar yordamida (otvyortkada bundan tashqari sterjeni ham izolyasiyalangan bo‘lishi kerak) ishlash, mabodo bunday asbob bo‘lmasa, dielektrik qo‘lqopdan foydalanish zarur. Yengi kalta yoki engi shimarilgan kiyimda ishlash, shuningdek pichoq, arra, egov, metalli metr va boshqa shunga o‘xshash asboblardan foydalanish man qilinadi. 6-110 kV kuchlanishli elektrostansiya va podstansiyalarning elektr uskunasidagi to‘siqsiz tok o‘tkazuvchi qismi, ishlayotgan shaxsning orqa yoki ikki yon tomonida joylashgan holatlarida ish bajarishi man qilinadi. Kuchlanish ostida bo‘lgan uskuna izolyatorlariga himoya vositasisiz tegish man qilinadi. Havo elektr uzatish va aloqa tarmog‘ini kuchlanish ostidagi qismini (simlar, trosslarni) ulash yoki kesishdan oldin ularning potensiallarini tenglashtirish kerak. Qismlar potensialini tenglashtirish esa, ularni (kesilishi kerak bo‘lgan joyning ikkala tarafini) bir-biriga sim orqali ulash yoki bo‘linishi kerak bo‘lgan qismining ikkala tomonini alohida-alohida erga ulab, so‘ngra ularni har birini umumiy bir erga ulagich uskunasiga ulash kerak. Elektr himoya vositasidan foydalanib (izolyasiyalangan shtanga va ombirdan, o‘lchov shtangasi va ombirdan, kuchlanishni o‘lchovchi asboblar bilan) ishlaganda xodimning shu himoya vositalarini izolyasiyalangan qismi uzunligidan boshlab, to elektr uskunaning kuchlanish ostida bo‘lgan tok o‘tkazuvchi qismigacha bo‘lgan masofagacha yaqinlashishga ruxsat etiladi. Ochiq taqsimlovchi elektr uskuna va havo elektr uzatish tarmog‘ini kesishishgan oralig‘ida kuchlanish ostida bo‘lgan simdan pastda joylashgan sim (tros) va unga taalluqli izolyator va armaturalarni almashtirishda, yuqorida joylashgan kuchlanish ostida bo‘lgan simga, almashtirish uchun mo‘ljallangan simni siltab tortganda, tegib ketmasligi uchun ushbu o‘zgartirilayotgan sim ustiga o‘simlik yoki sintetik toladan to‘qilgan arqon tashlanadi. Kesishgan oraliqda joylashgan simning ikki erdan ikkala tarafga arqon tashlab, uning uchlarini langar, inshoot poydevori yoki boshqa joyga tortib mahkamlash kerak. Simni (trosni) ko‘tarish asta-sekin bir me’yorda bo‘lishi kerak. Podstansiya va elektr uzatish tarmoqlarida kuchlanish ostidagi simlardan (troslardan) yuqorida joylashgan simlar (troslar) va ularga taalluqli izolyator va armaturada ishlash korxona rahbariyati tasdiqlangan ish bajarish loyihasi bo‘yicha olib borilishi kerak. Ish bajarish loyihasida simni osilib tushib ketmasligi chorasi hamda ishlab turgan elektr uzatish tarmog‘i ta’sirida hosil bo‘lgan kuchlanishga qarshi himoya choralari ko‘zda tutilishi kerak. Bunday ishlarni bajarishda kesishgan oraliqda joylashgan simdan kuchlanishni olmasdan turib sim (tros) almashtirish man qilinadi. Xodim doimo shuni esda tutishi kerakki, agar elektr uskunada kuchlanish to‘satdan yo‘q bo‘lib qolsa, ogohlantirmasdan unga yana kuchlanish berilishi mumkin. Qorong‘i tushgan paytda ish olib berilayotgan joy, yo‘lkalar, u erga borish yo‘li va ish joyi yoritilgan bo‘lishi kerak. Yoritilish darajasi bir xil bo‘lib ishchi ko‘zini tindirmasligi kerak. Yoritilmagan joyda ishlash man qilinadi. Momaqaldiroq paytida havo elektr uzatish tarmog‘i, havo aloqa tarmog‘i, ochiq va yopiq taqsimlovchi elektr uskunalaridan chiqqan elektr uzatish tarmog‘ida va elektr tarmog‘idagi ajratgichda, havo elektr tarmog‘iga ulangan kabelda, xamda aloqa apparatlari joylashgan xonani aloqa liniyasi kirgan qismida va antenna-ustun joylashgan inshootlardagi barcha ishlar to‘xtatilishi kerak. Elektrostansiya va podstansiyani ishlab turgan elektr uskuna joylashgan binosida (boshqarish uskunasi, rele himoyasi va shu uskunalar joylashgan binodan tashqari), yopiq taqsimlovchi elektr uskuna, ochiq taqsimlovchi elektr uskuna, quduq, er osti yo‘li va xandaqlarda ishlovchi barcha ishchilar hamda havo elektr uzatish tarmog‘ida xizmat qiluvchi va joriy ta’mirlovchi barcha xodimlar himoya kaskasidan foydalanishi lozim. Kompressor (bosqon) va havo yig‘uvchi, akkumulyator batareyasi va zaryadlovchi uskunalarga xizmat qiluvchi xodim elektr xavfsizligi bo‘yicha III gruppaga ega bo‘lishi kerak. Boshqarish shchitida va taqsimlovchi elektr uskunalarida joylashgan schyotchiklarning va boshqa o‘lchov asbob ko‘rsatkichlarini korxona yoki boshqa tashkilot xodimi (xizmat safariga kelgan xodimning huquqidan foydalangan kabi) yakka o‘zi navbatchi ruxsati bilan yozib olishi mumkin. Agar elektr uskunada navbatchi bo‘lsa bu xodim elektr xavfsizligi bo‘yicha II gruppaga, navbatchisiz elektr uskunada esa III gruppaga ega bo‘lishi kerak.
|
| |
