982
Бозор муносабатлари шароитида хусусий секторнинг ўрни
ошиб бориши
табиий жараён бўлиб, давлат томонидан субсидиялаш бу дастлабки
босқичларида, хўжаликларнинг оёққа туриб олиши ва янги технологияларнинг
кенг тарғиб қилиниши учун хизмат қилиб, истиқболда у
бозор механизмлари
ёрдамида ишлаб кетиши лозим бўлади.
Бунинг учун эса ушбу технологияларни жорий этишни молиялаштира-
диган тузилмалар, қўллаб-қувватлайдиган идоралар ташкил этилиши мақсадга
мувофиқ. Шунинг учун тадқиқотларимизда “Асаларичиликда
технологик
трансфер” жамғармасини ташкил этиш лозим деб ҳисоблаймиз (1-расм).
Ушбу жамғарманинг мақсади асаларичилик хўжаликларида замонавий
рақамли технологияларни жорий этишни молиявий қўллаб-қувватлаш, уларни
имтиёзли
кредитлар, янги технологияларнинг амалиётга жорий этилишига
кўмаклашиш, хўжаликларнинг қизиқиш ва кўникмаларини ошириб бориш
ҳисобланади.
Ушбу жамғарма ўз фаолияти жараёнида қуйидаги вазифаларни бажаради.
Хусусан:
-
асаларичилик хўжаликларининг моддий-техник базасини мустаҳкамлаш,
рақамли
технологияларни жорий этиш, ўрганиш мақсадлари учун кредит
ресурсларини ажратиш ҳамда ундан фойдаланишни янада кенгайтириш;
-
асал етиштирувчиларнинг инновацион фаолиятини молиявий қўллаб-
қувватлаш, замонавий қурилмалар яратиш, ишлаб чиқариш ва жорий этишни
рағбатлантириш;
-
асаларичилкни ривожлантиришга қаратилган мақсадли давлат, тармоқ ва
ҳудудий
дастурларни, илмий-техник лойиҳаларни молиялаштириш, шу билан
биргаликда ушбу тадбирларни жорий этишда иштирок этиш;
-
рақамли технологияларни жорий этишда айланма маблағларга муҳтож
бўлган асал етиштирувчилар, қайта ишловчилар ҳамда хизмат кўрсатувчилар
фаолиятига кўмаклашиш;
983
-
асал ва асаларичилик маҳсулотларини ташишга мўлжалланган
махсус
автотранспорт воситалари, асбоб-ускуналар, қурилмалар
билан таъминлаш
мақсадлари учун лизинг фаолиятини йўлга қўйиш, ушбу мақсадлар учун
манфаатдор томонлар билан ҳамкорлик қилишдан иборат.
Ушбу жамғарманинг молиявий ресурсларини шакллантиришда давлатнинг
мақсадли ва донорлик пул маблағлари билан биргаликда алоҳида ва умумий
имтиёзлар билан йўналтирилган маблағларнинг шаклланиши мумкин бўлган
манбаалар таклиф этилади (2-расм).
