4
KIRISH
Bugungi kunda mamlakatimizda ta’lim
tizimini isloh qilish, uning mazmunini
yangilash, o’qituvchining kasbiy bilim
va tayyorgarligini oshirish, o’quvchilarning
shaxsiy tajribalarini boyitish, ularni ijtimoiy hayotga tayyorlash sohasida keng ko’lamli
izlanishlar amalga oshirilmoqda. Ushbu sohadagi kamchiliklarni bartaraf etish yo’llari
izlanmoqda. Bularning barchasi zamonaviy maktab ta’limining umumiy yo’nalishini
belgilash, dunyo miqyosida uning rivojlanishiga ta’sir ko’rsatadigan omillarga keng yo’l
ochish imkonini beradi. Buning uchun, avvalo, uzliksiz ta’lim tizimining barcha shakldagi
ta’lim muassalarida ta’lim jarayoni sifatida ta’minlovchi ilg‘or ilmiy-metodik jihatdan
asoslangan zamonaviy o’qitish texnologiyalarni amalda oshirish lozim.
Insoniyat tarixining ko‘p asrlik tajribasi ezgu go‘yalardan va sog‘lom
mafkura hamda
zamonaviy bilimlardan maxrum har qanday jamiyat uzoqqa bora olmasligini ko‘rsatdi.
Shuning uchun, mustaqillik- ka erishgan mamlakatimiz o‘z oldiga ozod va obod vatan,
demokratik jamiyat barpo qilish,
erkin va farovon hayot qurish, rivojlangan mamlakatlar
qatoridan o‘rin olish kabi muhim vazifalarni qo‘ydi. Bu vazifalarni hal qilish asosan yosh
avlod zimmasiga tushadi. Demak, yoshlardan zamonaviy komputerlar bilan ishlashni
o‘rganish, xalq xo‘jaliginining turli masalalarini yechishga mo‘ljallangan
dasturiy
ta’minot bilan tanishish hamda dasturlash vositalari yordamida hali komputerda
yechilmagan masalalar uchun yangi dasturlar yaratishni talab qilinadi.
Darvoqi, har bir jamiyatning bugungi kuni va kelajagi uning ajralmas qismi va hayotiy
zarurati bo‘lgan ta’lim tizimining qay darajada rivojlanganligi bilan belgilanadi. Bugungi
kunda mustaqil taraqqiyot yo‘lidan borayotgan mamlakatimizning uzluksiz ta’lim
tizimini isloh
qilish va takomillashtirish, yangi sifat bosqichiga ko‘tarish, unga ilg‘or
pedagogik va axborot texnologiyalarini joriy qilish hamda samaradorligini oshirish davlat
siyosati darajasiga ko‘tarildi. “Ta’lim to‘g‘risida”gi qonun va “Kadrlar tayyorlash milliy
dasturi”ning qabul qilinishi bilan uzluksiz ta’lim tizimi orqali zamonaviy kadrlar
tayyorlashning asosi yaratildi.
Oliy o’quv yurtlarida talabalarni mustaqil bilim olish
faoliyatini tashkil etishga,
bilimlarni mustaqil egallashga va ularni amaliyotda qo’llash malakalarini shakllantirishga
qaratish o’qitishning metodlari, texnologiyalarini shunday tanlash lozimligini ko’rsatdiki,
5
ular talabalarga nafaqat tayyor bilimlarni o’zlashtirishlarida, balki bilimlarni turli
manbalardan
mustaqil egallashlari, o’zlarida shaxsiy nuqtai nazarning shakllanishi, uni
asoslashi va erishilgan bilimlarni yangi bilimlar olishlarida foydalanish malakalariga ega
bo’lishlarini taqoza etadi. Bunday ulkan vazifani muvaffaqiyatli amalga oshirishda
o’qituvchi va talabalarga davlat tilida kerakli o’quv adabiyotlarini
yetkazish alohida
ahamiyatga ega.
Ushbu uslubiy qo’llanma “Zamonaviy dasturlash texnologiyalari” fani bo’yicha
matematika va informatika ta’lim yo’nalishlarida bilim olayotgan talabalar uchun
mo’ljallangan bo’lib, uning asosiy maqsadi algoritmlash va
dasturlash tillari asosida
matematik masalalarni yechish imkoniyatlaridan xabardor qilib, kompyuter bilan muloqot
o’rnatish usullarini o’rgatish va unda turli masalalarni yecha olish bilim va malakalarini
shakllantirishdan iboratdir.
